“edu.ann.az” elektron kitabxanasının təqdimatı davam edir - FОТО

Layihənin məqsədi şagirdlərin ədəbiyyat dərslərində verilən sinifdən xaric qiraət vasitələri ilə təmin olunması və onların asudə vaxtlarının səmərəli keçirilməsinin təşkil olunmasıdır. "edu.ann.az” saytı vasitəsi ilə 5-11-ci sinif şagirdləri onlara tapşırılan əlavə ədəbiyyat materiallarını kitabxanaya getmədən, qısa bir zamanda əldə edə biləcəklər.

Layihə çərçivəsində Yasamal rayonu 60 saylı tam orta məktəbdə 30 nəfər, Xəzər rayonu 322 saylı tam orta məktəbdə 160 nəfər, Nəsimi rayonu 46 saylı tam orta məktəbdə 140 nəfər və Xətai rayonu 59 saylı tam orta məktəbdə isə 60 nəfər müəllim və şagird kollektivinə "edu.ann.az” elektron kitab portalı haqqında məlumat verilib, şagirdlərin sualları cavablandırılıb, müəllimlərin saytla bağlı təklifləri dinlənilib.

"edu.ann.az” layihəsinin təqdimatında sözü gedən təhsil müəssisələrinin ümumilikdə 400 nəfərə yaxın heyəti iştirak edib.

Nəzərinizə çatdırırq ki, 2013-cü ildə "edu.ann.az” layihəsinin hazırlanması barəsində təkliflər Azərbaycan Respublikası Təhsil Nazirliyinə verilmiş və bəyənilərək layihənin elektron kitabxana formasında istifadəyə verilməsi qərara alınmışdır.

Xatırladaq ki, sözü gedən layihənin təqdimatına Azərbaycan Respublikası Təhsil Nazirliyi və Bakı Şəhər Təhsil İdarəsinin dəstəyi ilə 8 aprel 2016-cı il tarixində başlanılmışdır.

Onu da qeyd edək ki, "edu.ann.az” layihəsi çərçivəsində həyata keçirilən tədbirlərin Bakı şəhərinin digər ümumtəhsil məktəblərində də baş tutması planlaşdırılır.