Azərbaycanlı kişi maşınına çanaq antenası quraşdırdı - VİDEO

Düzəltdiyi çanaq antenası ilə həm avtomobildə ,həm də istənilən yerdə 250 kanala baxmaq olur. Laçın rayon sakini Feruz Qarayev qeyri-adi üsulla çanaq antenası hazırlayıb. Paltaryuyan maşının qapağından hazırladığı antenanı avtomobilə quraşdıraraq istənilən yerdə kanallara baxmaq olur. 15 ilə yaxındır ki, peyk antenalarının quraşdırılması ilə məşğul olan Feyruz Qarayev deyir ki,bu işi bir həftəyə ərsəyə gətirib.

Antena naqili avtomobildə olan elektrik qidalandırıcıya qoşmaqla işlək vəziyətə gəlir. Antenanı yerə bərkitməklədə kanallara baxmaq olur.

Ümumilikdə isə, çanaq antenasının hazırlanmasına 200 manat xərc çəkilib. Usta deyir ki, gələcəkdə bu qurğunu təkmilləşdirərək satışı ilə də məşğul olacaq.Qiyməti isə təxminən 300 manat miqdarında olacaq. (Xəzər Xəbər)