Hava kəskin dəyişəcək - Nazirlikdən XƏBƏRDARLIQ

 

Nazirlikdən ANN.Az-a verilən xəbərə görə, bir neçə gün davam edən mülayim hava şəraitindən sonra dekabrın 14-15- də Bakıda və Abşeron yarımadasında hava şəraitinin kəskin dəyişiləcəyi, güclü şimal-qərb küləyinin əsəcəyi, arabir yağış yağacağı, sulu qara, qara keçəcəyi gözlənilir.

 

Bəzi yerlərdə arabir intensivləşəcəyi, 14-də axşam, 15-də çovğun olacağı ehtimalı var. Havanın temperaturu ötən günlərlə müqayisədə 7-10° aşağı enəcək. Yolların buz bağlama ehtimalı var.

 

Azərbaycanın rayonlarında gözlənilən hava şəraiti ilə bağlı xəbərdarlığa gəlincə, dekabrın 14-15- də ölkə ərazisində hava şəraitinin kəskin dəyişiləcəyi, arabir yağış, sulu qar, qar yağacağı gözlənilir.

 

Bəzi yerlərdə intensiv olacağı ehtimalı var. Qərb küləyi ayrı-ayrı yerlərdə arabir güclü olacaq. Havanın temperaturu ötən günlərlə müqayisədə 7-10° aşağı enəcək. Yollar buz bağlayacaq.