"182 nəfər Macarıstan, 17 nəfər Çin universitetlərinə qəbul olub" - Rəsmi
05.01.2017 16:18
Macarıstan və Çin Xalq Respublikası (ÇXR) ali təhsil müəssisələrində təhsil almaq üçün azərbaycanlı tələbələrin seçimi yekunlaşıb.
Təhsil Nazirliyindən ANN.Az-a verilən məlumata görə, seçimlər "Azərbaycan Respublikası Təhsil Nazirliyi və Macarıstan İnsan Resursları Nazirliyi arasında 2015-2017-ci illər üzrə İş Proqramı” və "Azərbaycan Respublikasının Təhsil Nazirliyi ilə ÇXR-in Təhsil Nazirliyi arasında 2016-2019-cu illər üçün təhsil sahəsində əməkdaşlıq haqqında Saziş” çərçivəsində aparılıb.
Nəticələrə əsasən, 182 nəfər Macarıstanın, 17 nəfər isə Çinin müxtəlif universitetlərində təhsil almaq hüququ qazanıb.
Eyni zamanda, Azərbaycan Dövlət Neft və Sənaye Universitetində keçirilən mərkəzləşdirilmiş qəbul imtahanında I qrup üzrə 500 və daha çox bal toplayan abituriyentlərdən 303 nəfər qəbul imtahanında iştirak etmək üçün qeydiyyatdan keçib. Onlardan 120 nəfəri dövlət sifarişi, 40 nəfəri isə ödənişli əsaslarla UFAZ-ın tələbəsi olmaq imkanı qazanıb.
Şəbnəm Cavadzadə
www.ann.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
