Azərbaycanın pravoslav xristian icması Milad bayramını qeyd edir

Rusiya pravoslav kilsəsinin Bakı-Azərbaycan yeparxiyasından "Report"a verilən məlumata görə, cümə günündən şənbə gününə keçən gecə Bakının bütün pravoslav məbədlərində təntənəli ibadət keçirilib.

Bundan başqa, yanvarın 10-da Səməd Vurğun adına Rus Dram tetarında Milad uşaqlar üçün xeyriyyə Milad bayramı keçiriləcək. Elə həmin gün paytaxtda "Kapelhaus" alman-azərbaycan mədəni icmasının binasında Milad bayramına həsr olunmuş konsert təşkil ediləcək.