"Beynəlxalq Bankın fililalları ilə bağlı cinayət işi başlanılıb" - AÇIQLAMA

ANN.Az xəbər verir ki, bunu Azərbaycan Respublikası Baş prokurorunun müavini - Baş Prokuror yanında Korrupsiyaya Qarşı Mübarizə Baş İdarəsinin rəisi Kamran Əliyev 2016-cı ildə ölkədə korrupsiyaya qarşı mübarizə sahəsində görülən işlər və qarşıda duran vəzifələrin müzakirəsinə həsr olunmuş mətbuat konfransında deyib.

Müxtəlif banklarla bağlı araşdırmalar aparılır. 2016-cı il ərzində "qara bazar”la bağlı 2 cinayət işi yekunlaşıb. 2016-cı ilin iyul ayından bizim idarə ilə birgə Maliyyə Bazarlarına Nəzarət Palatası və Dövlət Təhlükəsizlik Xidməti əməkdaşlarının əməliyyatları baş tutub. 

Kamran Əliyev bildirib ki, Beynəlxalq Bankın 5 filialı, o cümlədən, Qazax və Şəki filialları barədə cinayət işinin istintaqı davam etdirilir.

"Banklarla bağlı 52 cinayət işi istintaq olunub, məhkəməyə göndərilib. Sığorta şirkətlərinin rəhbərləri ilə bağlı 5 cinayət işinin istintaqı aparılıb".

K. Əliyev qeyd edib ki, ötən il valyuta mübadilələsi qaydalarının pozulması ilə ("qara bazar”) bağlı 2 cinayət işinin istintaqı yekunlaşıb.