Dünya ölkələrinin pasport reytinqi - Azərbaycan neçəncidir?
18.01.2017 11:33
"Passport Index" araşdırma portalı sahiblərinin viza olmadan neçə ölkəyə ziyarət edə biləcəkləri əsasında pasport reytinqini dərc edib.
"Report" xəbər verir ki, Azərbaycan pasportu 2017-ci ilin yanvar ayı üçün olan reytinqdə 66-cı yeri tutub.
Qeyd edək ki, pasportun nüfuzu sahibinin vizasız səfər edə biləcəyi (və ya sərhəddə viza ala biləcəyi) ölkələrin sayı ilə qiymətləndirilir.
Bu baxımdan Azərbaycan pasportu 60 ölkə üçün sadələşdirilmiş giriş təmin edir və 61 Visa-free xal qazanıb.
Qonşu ölkələrdən Ermənistan 58 xalla 69-cu, Gürcüstan 67 xalla 60-cı, Türkiyə 104 xalla 42-ci, Rusiya 103 xalla 43-cü, İran isə 36 xalla 96-cı sırada qərarlaşıb.
Reytinqdə ilk pilləni Almaniya (158 xal) tutub. İsveç və Sinqapur (157) sonrakı yerlərdə qərarlaşıb. İlk onluğa, həmçinin Danimarka, Finlandiya, Fransa, İspaniya, İsveçrə, Norveç, Böyük Britaniya və ABŞ (156 xal) da daxil olub.
Bu baxımdan ən az nüfuzlu pasport Əfqanıstanınkı seçilib: 23 ölkə və siyahıda sonuncu - 95-ci yer.
www.ann.az
Telegram
Bizi Teleqramda izləyin
Oxşar xəbərlər
Oxşar xəbərlər
Cəmiyyət 17:19
Azərbaycanda 7 yaş və daha yuxarı şagirdlər üçün “mygov” platformasında ayrıca fərdi hesabların yaradılması nəzərdə tutulur
Foto
Video
