Böhranda brend mağazalara rəqib - İkinci əl geyimlər
24.01.2017 11:06
Qadın və ya kişi olmasından asılı olmayaraq, hər kəs keyfiyyətli və yaxşı geyinmək istəyir. Devalvasiya ilə bağlı artıq Çin və Türkiyə istehsalı olan paltarların qiyməti heç də hamının cibinə uyğun deyil.
Bəs, çıxış yolu nədir?
Bu zaman "Memi" brendi altında fəaliyyət göstərən ikinci əl paltar mağazaları köməyə gəlir. Xarici ölkələrdə hətta Hollivud ulduzları belə bu mağazalardan istifadə etməkdən çəkinmir.
Azərbaycanda belə mağazaların sayı həndəsi silsilə üzrə artır. Burada əsasən, Avropa ölkələrində istehsal ounlan, bəzi hallarda isə təmamilə təzə olan paltarlar satılır.
Belə mağazalardan birinin nümayəndəsi Gülya xanım (soyadı onun xahişi ilə göstərilməyib) ANN.Az-a bildirib ki, bütün geyim və ayaqqabılar Hollandiyadan gətirilir. Bizdə satılan mallar çox keyfiyyətlidir və məşhur Avropa brendlerinə məxsusdur.
Onun sözlərinə görə, manatın avroya nisbətən məzənnəsinin artması mağazadakı qiymətlərə də təsir göstərib. Amma buna baxmayaraq, yenə də qiymətlər digər mağazalara nisbətən ucuzdur.
Şəbəkəyə məxsus digər mağazanın digər şöbəsinin sahibi ANN.Az-a açıqlamasında bildirib ki, "Memi" mağazalarında təkcə Avropa deyil, Amerika istehsalı olan paltarlar da satılır:
"Bizə əsasən, Almaniya istehsalı olan mallar gətirilir, hərdən ABŞ-dan da paltarlar alırıq. Bu ölkələrdən topdan qiymətə paltar gətirməyin yollarını təchizatçılarımız yaxşı bilir. Həm alıcı, həm satıcı, həm də təchizatçı qazanır. O da faktdır ki, dollar və avronun qiymətinin artması gətirilən malların qiyməti və keyfiyyətinə təsir etməyib".
Nuray Qasımzadə
Telegram
Bizi Teleqramda izləyin
Oxşar xəbərlər
Oxşar xəbərlər
Cəmiyyət 17:19
Azərbaycanda 7 yaş və daha yuxarı şagirdlər üçün “mygov” platformasında ayrıca fərdi hesabların yaradılması nəzərdə tutulur
Foto
Video
