Bu müəllimlər vəzifədə irəli çəkilə bilərlər
24.01.2017 17:57
Azərbaycanın 26 rayonu üzrə keçirilən diaqnostik qiymətləndirmədə ən yüksək – 100 nəticə göstərən müəllimlər vəzifədə irəli çəkilə bilər.
ANN.Az xəbər verir ki, bunu Trend-ə Təhsil Nazirliyinin ictimaiyyətlə əlaqələr sektorunun müdiri Cəsarət Valehov deyib.
Onun sözlərinə görə, ilk növbədə diaqnostik qiymətləndirmə müəllimlərin imkanlarını dəyərləndirmək üçün bir vasitədir:
"Qiymətləndirmədə yüksək nəticə göstərən müəllimlərin dərs saatları artırılır. Diaqnostik qiymətləndirmələrdə ən yüksək nəticə göstərən müəllimlərin dərs saatlarının artırılması onlara gələcək karyera yüksəlişində göstəriləcək ən yaxşı etimad olacaq. Eyni zamanda, belə müəllimlər mentor kimi öz həmkarlarına gələcək təlimlərin təşkilində və bir çox digər layihələrdə irəli çəkilə bilərlər”.
Qeyd edək ki ,ötən ilin sonunda Azərbaycanın 26 şəhər və rayonu üzrə keçirilən diaqnostik qiymətləndirilmədən dövlət ümumi təhsil müəssisələrində çalışan 36 min müəllim keçib.
Hazırda onların keyfiyyət göstəriciləri təhlil olunur.
www.ann.az
Youtube
Bizi Youtube-da izləyin
Oxşar xəbərlər
Oxşar xəbərlər
Cəmiyyət 17:19
Azərbaycanda 7 yaş və daha yuxarı şagirdlər üçün “mygov” platformasında ayrıca fərdi hesabların yaradılması nəzərdə tutulur
Foto
Video
