Sürücünün ölməsi ilə bağlı araşdırma başlandı

ANN.Az xəbər verir ki, bu barədə Trend-ə açıqlamasında Bakı Şəhər Baş Polis İdarəsinin Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovniki Vaqif Əsədov bildirib.

V.Əsədov deyib ki, təmsil etdiyi qurum artıq həmin hadisə ilə bağlı ciddi araşdırmalar aparır. Araşdırmaların nəticəsi barədə ictimaiyyətə açıqlama veriləcək.

Qeyd edək ki, martın 4 -də paytaxtın Ziya Bünyadov prospektində 1961-ci il təvəllüdlü, Rusiya vətəndaşı Əsgər Muradovun idarə etdiyi "Nissan” markalı avtomobili yol polisi əməkdaşı saxlayıb.

Qohumlarının açıqlamasına görə, YPX əməkdaşının sürücü ilə kobud davranışı onun ölümünə səbəb olub. İddiaya görə, Nərimanov Rayon Dövlət Yol Polisi İdarəsinə məxsus "267” seriyalı avtomobildə olan yol polisi sürücünü "avtoşluq”da ittiham edib və aralarında mübahisə yaranıb. Nəticədə Ə.Muradov hadisə yerində ölüb.