Cocuq Mərcanlıda xeyli hərbi sursat tapılıb

Cəbrayıl rayonunun Cocuq Mərcanlı kəndində partlamamış hərbi sursatlar tapılıb.
 
Azərbaycan Respublikası Ərazilərinin Minalardan Təmizlənməsi üzrə Milli Agentlikdən (ANAMA) APA-ya verilən məlumata görə, bu gün ərzində kənddə 6 evə baxış keçirilib,
 
Baxış zamanı 944 ədəd qəlpə, 7 ədəd partlamamış hərbi sursat (2 ədəd 70 mm-lik tank əleyhinə idarə olunmayan raket (PQ-7VM) və 5 ədəd  TM-62P3 minasının gücləndiricisi) və 3 ədəd tank əleyhinə mina  (TM-57) aşkar edilib.
 
Nəticə etibarilə 62 648 kv.m ərazi (5 148 kv.m əllə, 16 500 kv.m mexaniki üsulla, 41 000 kv.m minaaxtaran itlərin dəstəyi ilə) yoxlanılıb.
www.ann.az