“Kasperski Laboratoriyası” Rusiya kəşfiyyatına işləyir – İDDİA

anews.az lent.az-a istinadən xəbər verir ki, bu barədə ABŞ-ın nüfuzlu "Bloomberg” agentliyi məlumat yayıb. Agentlik öz məlumatında aboratoriyanın rəhbəri Yevgeni Kasperskinin 2009-cu ildə şirkətin rəhbərliyinə göndərdiyi məktuba istinad edib. Məktubda FSB-nin "böyük xahişi” ilə aparılan məxfi layihədən bəhs olunur.

Söhbət nəinki haker hücumlarından müdafiə olunmaqdan, eyni zamanda, hakerlərin ünvanlarını müəyyən etməyə imkan verən proqram təminatının yaradılmasından gedir. Bu proqram sayəsində hakerlərin müəyyən olunmuş ünvanlarında hüquq-mühafizə orqanları və kəşfiyyat tərəfindən reydlər keçirilib.

Y. Kasperski bu proqramı şirkət əməkdaşlarından gizli saxlayıb. Lakin "Kasperski Laboratoriyası” kəşfiyyatla hər hansı əlaqəsinin olmadığını bəyan edib.

Qeyd edək ki, Tramp administrasiyası ABŞ dövlət qurumlarının "Kasperski Laboratoriyası”nın məhsullarından istifadəsini dayandırıb.