“Rasim Balayev dərman almağa pul tapmır...” - Zeynəb Xanlarova kömək istədi

AzVision.az xəbər verir ki, Z.Xanlarova aktyora maddi köməklik edilməsini xahiş edib.

"Mədəniyyətimizə töhfə verən Rasim Balayev haqqında danışnmaq istəyirəm. O, elə bir sənətkardır ki, Babəki, Nəsimini filmlərdə canlandırıb. O, dərman almağa pul tapmır. Üzümü Səhiyyə Nazirliyinə, Mədəniyyət Nazirliyinə tutaraq demək istəyirəm ki, ona niyə kömək edilmir?.

Xahiş edirəm, ona kömək etsinlər. Onun aldığı pulun miqdarı nə qədərdir ki?! Pulu çatmır dərmanların hamısını almağa...”

Spiker Oqtay Əsədov isə deyib ki, bu məsələ diqqətdə saxlanılacaq.