Sabiq MTN polkovnikinə hökm oxunub
13.04.2018 18:18
Bakı Ağır Cinayətlər Məhkəməsində Vüqar Güləliyev, Ceyhun İbayev, Nicat Əliyev, Anar İsmayılov və Vüqar Əsədovun Cinayət Məcəlləsinin 178.3.2-ci (dələduzluq, külli miqdarda ziyan vurulmaqla törədildikdə) maddəsi ilə təqsirləndirilməsinə dair cinayət işi üzrə məhkəmə prosesi başa çatıb.
Anews.az-ın məlumatına görə, ittiham aktına əsasən, təqsirləndirilən şəxslər qabaqcadan cinayət əlaqəsinə girərək vətəndaş Səriyyə Tahirovanın həyat yoldaşını həbsdən azad edəcəklərini vəd edərək, zərərçəkmişdən 147.000 manat pul alıblar və həmin məbləği dələduzluq yolu ilə ələ keçiriblər.
Qeyd edək ki, Vüqar Güləliyev ləğv edilmiş MTN-in sabiq polkovniki olub.
Məhkəmənin hökmü ilə Vüqar Güləliyev 8 il, Ceyhun İbayev, Vüqar Əsədov və Nicat Əliyev 6 il 6 ay və Anar İsmayılov 2 il müddətinə azadlıqdan məhrumetmə cəzasına məhkum olunub. Ev dustaqlığında olan C. İbayev iclas zalında həbs edilib, V. Əsədov və A. İsmayılovun barəsində isə şərti cəza seçilib.
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
