Bakı-İstanbul aviareysində gecikmə olub
21.04.2018 11:00
Azərbaycanın aşağı büdcəli aviareysi olan "Buta Airways”in Bakı-İstanbul reysi təxirə salınıb.
"Report” xəbər verir ki, "J2 9103” reysi yerli vaxtla 07:45-də həyata keçirilməli imiş.
Məlumata görə, təxminən, bir saata qədər sərnişinlər salonda qaldıqdan sonra düşürülüb və onlara 09:30-da təşkil ediləcək reyslə İstanbula uçacaqlarını bildiriblər.
"Azərbaycan Hava Yolları” (AZAL) QSC-nin mətbuat xidmətinin rəhbəri Paşa Kəsəmənski "Report”a açıqlamasında bildirib ki, təyyarə texniki səbəblərdən havaya qalxa bilməyib: "Hava gəmisinin kapitanı təyyarəni texniki səbəbdən dəyişməyi qərara alıb. Təxminən, 10 dəqiqədən sonra sərnişinlərin minişi başlayacaq və 09:30 üçün təyyarənin havaya qalxması gözlənilir”.
Qeyd edək ki, "J2 9103” reysi "Embraer ERJ-190” təyyarələri ilə həyata keçirilir. Reyslər İstanbulun Sabiha Gökçen Hava Limanına həyata keçirilir.
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Cəmiyyət 17:19
Azərbaycanda 7 yaş və daha yuxarı şagirdlər üçün “mygov” platformasında ayrıca fərdi hesabların yaradılması nəzərdə tutulur
Foto
Video
