Bu Komitə sədrinin fəaliyyəti yoxlanılacaq - həbs oluna bilər

Prezident İlham Əliyevin imzaladığı sərəncama əsasən Disapor ilə iş üzrə Dövlət Komitəsinin sədri Nazim İbrahimov tutduğu vəzifədən azad olunub. Onun yerinə Milli Məclisin deputatı Fuad Muradov təyin edilib.
 
Anews.az  xəbər verir ki, yaxın günlərdə komitənin ötən dövrdəki fəaliyyətinin araşdırılmasına qərar verilib. Belə ki, büdcə vəsaitlərinin xərclənməsi, müxtəlif ölkələrdəki diaspor təşkilatlarına ayrılan vəsaitin təyinatdankənar istifadə olunması ilə bağlı ciddi araşdırma aparılacaq.
 
Bildirək ki, uzun zamandır Nazim İbrahimov və rəhbərlik etdiyi qurumdan narazılıq pik həddə idi. Çünki illlərlə diaspor fəaliyyətinə ayrılan vəsaitlərin göyə sovrulması həm müxtəlif ölkələrdə yaşayan soydaşlarımız, həm də hakimiyyət üçün problem yaradıb. Onun vəzifədən uzaqlaşdırılması da məhz bununla bağlıdır.
 
Yəqin ki, N.İbrahimov təkcə vəzifədən uzaqlaşdırılmaqla yaxasını qurtara bilməyəcək. Onun rəhbər olduğu dövrdə komitənin fəaliyyətinin araşdırılması və yoxlamanın nəticələrinə uyğun qərar veriləcək. Hətta onun məsuliyyətə cəlb olunması da istisna edilmir.
 



www.anews.az