Meriya Hacıbala Abutalıbovu niyə “silmir”?

Axar.az xəbər verir ki, Hacıbala Abutalıbovun Bakı Şəhər İcra Hakimiyyətinin başçısı vəzifəsindən uzaqlaşdırılmasından 20 günə yaxın vaxt keçməsinə baxmayaraq, icranın rəsmi saytında onun adı hələ də başçı kimi göstərilib.

21 aprel tarixindən H.Abutalıbov vəzifəsindən kənarlaşdırılsa da, rəsmi saytda bununla bağlı heç bir yenilənmə yoxdur.

Xatırladaq ki, mer vəzifəsinə hələlik heç bir təyinat olmayıb.

Qeyd edək ki, aprelin 21-də Prezident İlham Əliyev Hacıbala Abutalıbovun Bakı Şəhər İcra Hakimiyyətinin başçısı vəzifəsindən azad edilməsi haqqında sərəncam imzalayıb.

H.Abutalıbov baş nazirin müavini təyin edilib.