Leyla Əliyeva: "Yubileyin mübarək, ana!"

“Məncə Allah onu planetdə sülhü qorumaq missiyasını yerinə yetirmək üçün göndərib”

“Baku” jurnalının bu dəfəki sayı özəl olacaq. ANS PRESS-in məlumatına görə, bu jurnalın redaktoru, Azərbaycan prezidentinin böyük qızı Leyla Əliyeva sosial şəbəkədəki səhifəsində yer alıb. 

"Mənim üçün bu nömrə ən vacib, xoş və məsuliyyətlidir. O, Azərbaycanın birinci xanımı, dünyanın ən gözəl qadını, mənim anam və dostuma həsr edilib. Mənə ona olan səmimi hisslərimi sözlərlə ifadə etmək çətindir: böyük sevgi, hörmət, heyranlıq...

Həmişə onun qızı olduğum üçün qürur duymuşam. 

Bütün dünya onu gözəl və eleqant qadın kimi tanıyır. Onun özünün yaratdığı, mənə və bacıma, eləcə də həqiqi gözəlliyi, indivuduallığı və zərifliyi qiymətləndirən bir çox qadınlara böyük təsir göstərən təkrarolunmaz stili var. 

Amma onun bu zövqü özünü ancaq geyinmə qabiliyyətində göstərmir. O etdiyi hər şeydə hiss edilir. O, böyük enerji ilə özünün genişmiqyaslı layihələrini reallaşdırır, onun köməyinə ehtiyacı olanların ağrılarına ortaq olur. O, bu dünyanı gözəlləşdirir". 

L.Əliyeva qeyd edib ki, M.Əliyeva qərarlı, qorxusuz və yorulmazdır... Bu sıranı cəsur sözü ilə davam etdirmək olar. "Özümü tanıyandan anam həmişə, hətta ən kritik vəziyyətdə belə öz mövcudluğu faktı ilə belə sakitlik hissi yaradıb. 

Mən elə düşünürəm ki, Allah onu planetimizdə xeyirxahlığı qorumaq missiyasını yerinə yetirmək üçün göndərib. 

Hər birimiz öz anamızı sevirik. Bu çox xüsusi, heç nə ilə müqayisə edilməyən hissdir. Bu sevgidir - yaşından asılı olmayaraq uşaq üçün sonsuz qüvvə mənbəyidir".

Sonda isə o belə qeyd edib. "Bu gün də, uşaqlıqda olduğu kimi o mənim üçün dünyada ən əziz və gözəl insandır. Yubileyin mübarək, ana!".aq missiyasını yerinə yetirmək üçün göndərib”

ANN.Az