Elman Rüstəmovun qızı London moda həftəsində - FOTOLAR

Sentyabrın 12-də Londonda moda həftəsinə start verilib. Ayın 16-dək qabaqcıl moda evləri özlərinin yaz-yay 2015 kolleksiyalarını təqdim edəcək.

buro247.az-a istinadən xəbər verir ki,Moda həftəsinin ilk günü Londonun “Victoria House”  mərkəzində tanınmış azərbaycanlı dizayner Günel Rüstəmovanın təsis və rəhbərlik etdiyi Gyunel moda evinin nümayişi keçirilib. 

Gənc dizaynerin həm gündəlik, həm də ziyafət geyimləri hər bir xanımın istək obyektinə çevrilə bilər. O, kolleksiyalarında ağ qızıl və gümüşlə bəzədilən müxtəlif forma və rənglərdə geyimlərə üstünlük verir.

Nümayişin qonaqları arasında Gyunel markasının pərəstişkarları - tanınmış televiziya aparıcı Laure Uaytmor, modellər Meri Çarteris, Rozi Forteskyu, Milli Makintoş, müğənni Delilah və digərləri iştirak ediblər.

Oxu.az