Gürcüstanda tanışını qətlə yetirən azərbaycanlı gənc saxlanıldı

Gürcüstanın Bolnisi rayonunda qəsdən adam öldürmədə ittiham olunan 1993-cü il təvəllüdlü şəxs saxlanılıb.

Anews.az xəbər verir ki, bu bardə Gürcüstanın Daxili İşlər Nazirliyindən bildirilib.

İstintaqla müəyyən olunub ki, saxlanılan gənc bu ilin iyunun 4-də Kvemo Bolnisi (Kəpənəkçi) kəndində keçmişdə ədavəti olduğu 1988-ci il təvəllüdlü tanışı ilə görüşüb. Tərəflər arasında baş verən qarşıdurma nəticəsində 32 yaşlı şəxs odlu silahla ölümcül yaralanıb. Qətli törədən şəxs hadisə yerindən qaçıb.