Tanınmış jurnalistin vəziyyəti ağırlaşıb - FOTO

- Heç kim maraqlanmayıb. Mənim bu xalq üçün heç kimin dana bilməyəcəyi xidmətlərim olub. Ən azından “Aydınlq” qəzetində fəaliyyətim, mərhum prezident Heydər Əliyevin təqib olunduğu illərdə mənim ona informasiya dəstəyim olub. Heydər Əliyev Naxçıvanda olanda onun yanında olmuşam. İndi kimsə bunların üstündən xətt çəkmək istəyir. Mənim dövlətin milyonda bir yardımına haqqım çata -çata mənə heç kim yardım etmək istəmir.

Bir daha xatırladıram ki, Bakıda mənə ağır diaqnoz qoyulmuşdu. Guya ki, böyrək xərçəngi var. Türkiyədə həkimlər belə bir şeyin olmadığını dedilər. Sadəcə indi böyrək sıradan çıxıb. Mən iki dəfə infarkt keçirmişəm. Ürəyi zəif olan bir adamın böyrəyini çıxartmaq böyük risk idi. Amma türk həkimlər bunun öhdəsindən gəldilər. 

Azərbaycana cərrahi əməliyyat olmaq üçün pul toplamağa gəldim. O zaman mən bir neçə dəfə aidiyyati şəxslərə müraciət etdim. 

Mənə dedilər ki, sən borc tap, biz də kömək edəcəyik. Mənə də qızımın tələbə yoldaşları, iki millət vəkili, tanışlar kömək etdi, qalanını da borc aldım. Əməliyyat olub ölkəyə qayıtdım. Yenə də müraciət etdim. Dedilər ki, yardım olacaq. Ondan sonra bəlkə min dəfə zəng etmişəm. Cavab verən yoxdu. 

- Mən hökumət əleyhinə yazmamışam. Dövlətim üçün məqbul saymadığım nələr varsa onlardan yazmışam. Onlar 1991- ci ildə Heydər Əliyevin dediyi sözləri götürüb oxusunlar. Üzləri varsa, xəcalət çəksinlər. Onda Heydər Əliyev demişdi ki, həyatımın ən ağır dövründə gördüyüm yaxşılığa görə iki nəfərə minnətdaram. 

Onlardan biri Əjdər Xanbabayev, biri də Mahal İsmayıloğludur. Bunu Heydər Əliyev dedi. Bunu heç kim dana bilməz. Heydər Əliyevin 1995-ci ilin sentyabrın 8-də 93-lərlə görüşdə dediyi sözləri bir daha oxusunlar. Kimsə mənimlə qərəz çəkə bilər. Amma nə üçün mənim elədəyim yaxşılıqlar indi qiymətə minmir? 

- 300-400 dollar məbləğində yardım idi. İqbal Ağazadə və Aqil Abbas mənə kömək etdilər. Mən sağlıq bilgilərimlə bağlı analizləri İsrailə, Almaniyaya göndərmişəm. Hamısından eyni cavab almışam ki , sizin xəstəliyinizin müalicəsi var, gəlin. Bir dənə maliyyə quyusuna düşmüşəm, gedə bilmirəm. Mən başa düşə bilmirəm ki, şairə də, körpə uşağa da yardım edirlər. Mənimlə bir çəkidə olmayan jurnalistə də edirlər. Nə üçün mənə etmirlər? Mən bir daha bütün dəyərlərlə yaşayan insanlara, prezidentin xanımına müraciət edirəm. Onlar məni yaxşı tanıyırlar. Mənim torpağımın haqqından bir zərrəlik də mənə köməklik edin.