TQDK sədri: “Kolleclərə 14 min 923 abituriyent ərizə verib”

Modern.az xəbər verir ki, bunu jurnalistlərə açıqlamasında Tələbə Qəbulu üzrə Dövlət Komissiyasının (TQDK) sədri Məleykə Abbaszadə deyib. O bildirib ki, imtahanda iştirak etmək üçün 14 min 923 abituriyent ərizə verib. Onlardan 5459 nəfəri – oğlan, 9464 nəfəri – qızdır. Ərizə verənlərin 15 nəfəri artıq orta ixtisas təhsili müəssisələrinin məzunlarıdır. 14 nəfəri isə ali təhsilli şəxslərdir. Abituriyentlərdən 50-si xarici ölkə vətəndaşıdır.

TQDK sədri bildirib ki, şəxsən özü keçən imtahanı müşahidə edib: “İyunun 24-də keçirilən imtahanı özüm Şəki, Qax, Zaqatala və Balakəndə müşahidə etdim. İmtahanlardakı nəzarətçilər həmin məktəblərdə çalışan müəllimlər idi”.