Sənay Yağmura təcavüzdə ittiham edilən şəxsin növbəti məhkəməsi keçirilib - VİDEO
16.02.2022 16:21
Bu gün, fevralın 16-da azyaşlı qıza qarşı təcavüzdə təqsirləndirilən Əsgər Ağazadənin növbəti məhkəmə iclası keçirilib.
Bakı Ağır Cinayətlər Məhkəməsində baş tutan iclasdan sonra hər iki tərəfdən açıqlama almaq istəsək də yalnız Zümrüd Yağmur və onların vəkili Zibeydə Sadıqova proses barədə danışdı.
Məhkəmə prosesində təqsirləndirilən tərəfə Zümrüd Yağmurun vəkili Zibeydə Sadıqova suallar ünvanlayıb. Vəkilin sözlərinə görə, qarşı tərəfin ifadələri ötən iclaslardan fərqli olub. Lakin vəsatətləri olmayıb.
Zümrüd Yağmur bildirdi ki, məhkəmədə qarşı tərəf övladı Sənay Yağmura böhtan atmaqda davam edib.
Növbəti məhkəmə prosesi 23 fevral 10:30-da keçiriləcək.
2021-ci ilin oktyabrın 12-də yazar Zümrüd Yağmur mətbuat konfransı keçirərək azyaşlı qızının 1 il əvvəl cinsi zorakılığa məruz qaldığını açıqlayıb. Yazarın sözlərinə görə, ekspertiza rəylərində qızının paltarındakı biomaterialların Əsgər Ağayevə məxsus olduğu göstərilib.
Faktla bağlı Cinayət Məcəlləsinin 149-cu (zorlama) maddəsilə cinayət işi başlanıb. Ancaq Yasamal Rayon Prokurorluğu Əsgər Ağayevin məsuliyyətə cəlb edilməsilə bağlı yetərli dəlillərin olmadığını bildirərək cinayət işi üzrə icraata 2 dəfə xitam verib.
Cinsi zorakılıq törətdiyi iddia edilən Əsgər Ağazadə 2021-ci ilin oktyabrın 19-da şübhəli şəxs qismində saxlanılıb barəsində 4 ay həbs qətimkan tədbiri seçilib.
Sənay Yağmur Azərbaycan Xalq Cəbhəsi Partiyasının Rəyasət Heyətinin üzvü Fuad Qəhrəmanlının qızıdır.
Ləman Qasımova
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
