Azərbaycanda şimşək çaxacaq, qısamüddətli yağış yağacaq

Bakı və Abşeron yarımadasında mayın 3-də hava şəraitinin dəyişkən buludlu, arabir tutulacağı, gecə bəzi yerlərdə zəif duman olacağı, gündüz əsasən yağmursuz keçəcəyi gözlənilir.

Lakin axşama doğru havanın tutqun olacağı, gecəyə doğru  yarımadanın bəzi yerlərində qısamüddətli, az yağış yağacağı ehtimalı var.

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev APA-ya açıqlamasında deyib ki, şimal-qərb küləyi əsəcək. Axşama doğru bir qədər güclənəcək. Havanın temperaturunun gecə 10-15, gündüz  20-24 dərəcə isti olacağı gözlənilir.

Azərbaycanın rayonlarında mayın 3-də hava şəraitinin bəzi yerlərdə şimşək çaxacağı, qısamüddətli yağış yağacağı gözlənilir. Qərb küləyi əsəcək, ayrı-ayrı yerlərdə arabir güclənəcək. Havanın temperaturunun gecə 13-18, gündüz 23-28, bəzi yerlərdə 30 dərəcə isti, dağlarda gecə 5-10, gündüz 15-20 dərəcə isti olacağı gözlənilir.

ANN.Az