Metroya "balta" ilə girən şəxs danışdı - Peşman deyiləm - VİDEO

 

O, əməlindən peşman olmadığını bildirir və insanlardan dəstək istəyir.

 

"Mən metroya əlimdəki bu çəkicimlə girmişəm. Qaşını-gözünü alan oğlancıqların adını dilimə gətirmək istəmirəm. Hamı videomu paylaşır ki, balta ilə metroya girmişəm. Hər kəs öz işi  ilə məşğul olsun. O oğlancıqlarda da dəstək olmayın", - o vurğulayıb.

 

Bakı metrosunda əlibaltalı şəxs peyda olub, bununla bağlı görüntülər sosial şəbəkədə iyulun 5-də paylaşılıb. Belə ki, əlində sellofana bükülmüş balta ilə gəzən şəxs LGBT fərdlərini hədələyir. O qeyd edib ki, əgər qarşısına belə bir şəxs çıxsa, baltalayacaq. 
 
"Qaşını, üzünü alan adam görsəm, balta ilə başın kəsməsəm, adam deyiləm” - deyə kimliyi məlum olmayan şəxs yayılan birinci videoda söyləmişdi.

Daxili İşlər Nazirliyinin mətbuat katibi Ehsan Zahidov anews.az-a açıqlamasında bildirib ki, həmin şəxsin axtarışları gedir.
 
"Biz də videonu bu gün görmüşük. Həmin şəxsin kimliyi barəsində məlumatsızıq. Araşdırıb həmin videonun doğru olub-olmadığını müəyyən edirik. Ətraflı məlumat verəcəyik", - sözçü deyib.