“Bravo”nun işçisi Mərkəzi Bankda yüksək vəzifəyə təyin olundu
22.07.2022 13:57
Azərbaycan Mərkəzi Bankının İnsan resurları departamentinə yeni direktor təyin olunub.
Bu vəzifə Oksana İsmayılovaya həvalə olunub.
Məlumat üçün bildirək ki, Oksana İsmayılova daha əvvəl – 2017-2021-ci illərdə ölkənin ən böyük supermarketlər şəbəkəsi olan "Bravo”da İnsan resurları və inzibati direktor rəhbəri olub. Bundan əvvəl isə - 2013-2017-ci illərdə "Baksell” şirkətində İnsan resurları departamentinə rəhbərlik edib. 1977-ci ildə anadan olan Oksana İsmayılova Bakıda 29 saylı orta məktəbdə oxuyub. 1994-98-ci illərdə Xarici Dillər Universitetində təhsil alıb. 1998-2003-cü illərdə Milli Aviasiya Akademiyasında, 2009-211-ci illərdə İngiltərənin Nottinqem Trent Universitetində təhsil alıb.
"Bravo” supermarketlər şəbəkəsi "Paşa Holdinq” ilə eyni ünvanda - Neftçilər prospekti ev 153-də yerləşən "Azərbaycan Supermarket" MMC-yə məxsusdur.
Hazırda Mərkəzi Banka rəhbərlik edən Taleh Kazımov da daha əvvəl "Paşa Holdinq”ə bağlı olan "Paşa Bank"ın İdarə heyətinin sədri olub.
www.anews.az
Oxşar xəbərlər
Oxşar xəbərlər
Foto 
Video 
