AXCP üzvü Kəlbəcərdə ölüb - FOTO
23.11.2022 10:04
Kəlbəcərdə Azərbaycan Xalq Cəbhəsi Partiyasının (AXCP) Abşeron Rayon Şöbəsinin üzvü ağır yol qəzasında ölüb. Bu barədə AXCP-nin rəyasət heyətinin üzvü İlham Hüseyn Facebook hesabında paylaşıb.
"Çox üzücü xəbər aldıq. AXCP Abşeron şöbəsinin üzvü, fədakar insan, dəyərli dost Fariz Tağılı iş qəzasında həyatını itirib. Hələ çox cavan idi, böyük arzuları var idi. Allah rəhmət eləsin!"-, sədr müavini bildirib.
Məlumata görə 1972-ci il təvəllüdlü Fariz Tağıyev idarə etdiyi frontal yükləyici "ZL 50" markalı traktor tipli nəqliyyat vasitəsilə hərəkətdə olarkən idarəetməni itirib. Daha sonra nəqliyyat vasitəsi aşıb. Nəticədə Fariz Tağıyev almış olduğu xəsarətlərdən hadisə yerində ölüb.
Daxili İşlər Nazirliyinin Mətbuat Xidmətinin Gəncə regional qrupunun baş inspektoru polis kapitanı Eşqin Qasımov hadisəni təsdiqləyib.
Faktla bağlı Kəlbəcər rayon Polis Şöbəsində araşdırmalar aparılır.
Aytac Zeynalova
www.anews.az
Foto 
Video 
