Kənd təsərrüfatı sahəsində müəyyən problemlər hələ də qalır - DEPUTAT

Azərbaycanda kənd təsərrüfatı ilə məşğul olan şəxslərin sənədləşmə prosesində hələ də problemlər var. Bunu Milli Məclisin Aqrar siyasət komitəsinin üzvü deputat Cavanşir Paşazadə deyib.


"Kəndli tam savadlı ola bilməz. Kəndlinin əkin-biçin işlərinin sənədləşmələrində problemlər zamanında aradan qaldırılmır. Kəndli sənədləşmə üçün banka gedir, bank onu geri qaytarır. Bu proses uzanır və aylar keçir. Nəticədə vaxtında gübrə və ya digər dərmanların alınması gecikir ki, bu da kəndçinin işini geri salır. Yerlərdə oturan adiyyatı şəxslər bu proseslərdə kəndçinin yanında bu proseslərdə iştirak etməlidir”- deputat bildirib.


Cavanşir Paşazadə həmçinin torpaqların suvarmasında da problemlərin olduğunu deyib.


"Rayonlarda suvarılan torpaqlar rayon rəhbərlərinin və qohumlarına aid torpaq sahələridir. Sadə kənd camaatı bu problemlərlə hələ də üzləşir. Təklif edərdim Kənd Təsərrüfatı Naziri bu istiqamətdə müzakirələr və görüşlər keçirsin”- millət vəkili vurğulayıb. 


Gülnar Nazimqızı 
www.anews.az