Biləsuvarda yol qəzasında ölən və xəsarət alanların adları məlum olub- Yenilənib

"Report"un Muğan bürosunun məlumatına görə, qəza nəticəsində Biləsuvar rayon sakini, 1965-ci il təvəllüdlü Xaləddin Səmədov ölüb.

Bundan başqa, rayon sakinləri, 1996-ci il təvəllüdlü İlham İlham oğlu Gözəlbəyli, 1988-ci il təvəllüdlü Şahin Mehman oğlu Talıbov, 1969-cu il təvəllüdlü Azər Xanlar oğlu Həsənov və 1961-ci il təvəllüdlü Zülfüqar Bəyan oğlu Nuruyev yaralanıb.

 

 

11:01

Biləsuvarda baş verən yol qəzasında xəsarət alanların sayı 4-ə çatıb.

"Report"un Muğan bürosunun məlumatına görə, hazırda yaralılara rayon mərkəzi xəstəxanasında tibbi yardım göstərilir.

 

10:28

Biləsuvarda baş verən qəzada yol istismar idarəsinin əməkdaşı ölüb.

AZƏRTAC-ın bölgə müxbiri xəbər verir ki, hadisə Biləsuvar-Bəhrəmtəpə yolunun, Biləsuvar rayonunun Ağayrı kəndindən keçən hissəsində baş verib.

 

Hərəkətdə olan "Mercedes-Benz” markalı yük maşını Şahmar Mehtiyevin idarə etdiyi "Ford” markalı mikroavtobusa çırpılıb. Qəza nəticəsində yol istismar idarəsinə məxsus olan "Ford” markalı mikroavtobusda olan sərnişin, idarənin əməkdaşı ölüb. Mikroavtobusda olan iki nəfər isə müxtəlif dərəcəli bədən xəsarətləri alıblar.

10:16

Biləsuvar rayonunda ağır yol-nəqliyyat hadisəsi baş verib.

İlkin məlumata görə, hadisə zamanı bir nəfər ölüb, iki nəfər isə yaralanıb. Yaralılar rayon xəstəxanasına çatdırılıblar.

Hazırda onların şəxsiyyəti dəqiqləşdirilir.