Növbəti il polislərin maaşları artırıla bilər - Nazir
19.11.2024 16:46
2025-ci il polislərin əməkhaqqlarının artırılması məsələsinə baxılacaq. Bunu maliyyə naziri Samir Şərifov bu gün Milli Məclisdə Hüquq siyasəti və dövlət quruculuğu, Müdafiə, təhlükəsizlik və korrupsiya ilə mübarizə, İnsan hüquqları və Regional məsələlər komitələrinin birgə iclasında çıxışı zamanı bildirib.
"Təhlükəsizliklə bağlı məsələ Prezidentin hər zaman diqqətindədir. Bu kateqoriyadan olan şəxslərin maaşların artırılması məsələsinə yenidən baxıla bilər. Elə də gələn il Daxili İşlər Nazirliyinin əməkdaşlarının əməkhaqqlarının artırılmasına baxılacaq", - nazir çıxışında deyib.
Samir Şərifov cari il Daxili Qoşunların əməkhaqqlarının artırılmasını da diqqətə çatdırıb.
Milli Məclisin bu gün keçirilən iclasında deputat Zahid Oruc polislərin maaşlarının artırılmasına ehtiyac olduğunu bildirib.
O vurğulayıb ki, Vətən müharibəsində şəhid olan, pandemiyada 724 rejimində çalışan və hazırkı mürəkkəb regional-beynəlxalq şəraitdə ölkəmizdə konstitusion quruluşu, dövlət-hakimiyyət orqanlarının normal çalışmasını və ictimai asayişi ləyaqətlə qoruyan polislərin maaşının artırılmasına çox ehtiyac var.
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
