Qırğızıstanda Mərkəzi Asiyada ən böyük ticarət kompleksi tikilir

2027-ci ilin sonunadək Narın vilayətində (Qırğızıstan) müasir topdan və pərakəndə satış kompleksi açılacaq ki, bu da Xorqos (Qazaxıstan-Çin), Dordoi (Qırğızıstan) və Əbu Sahiydən (Özbəkistan) sonra regionda dördüncü ən böyük mərkəzə çevriləcək. Bu barədə EastFruit məlumat yayıb.


Yararlı sahəsi 129,9 min kvadratmetr olan kompleks beynəlxalq standartlara cavab verən infrastruktur təqdim edəcək. Buraya rüsumsuz rejim və gömrük güzəştləri olan zonalar, logistika üçün pulsuz anbarlar, çoxfunksiyalı alış-veriş pavilyonları, sərgi salonları və qonaqların yerləşdirilməsi üçün ərazilər daxildir.

"Atbaşı” Beynəlxalq Ticarət və Logistika Mərkəzinin (ITLC) ekspertlərinin fikrincə, yeni kompleksin dövriyyəsi ilk üç il ərzində hər il 100 milyon ABŞ dolları təşkil edəcək, sonradan 200 milyon dollara qədər artırılaraq mərkəz 500 min dollara yaxın vəsait əldə edəcək.


Mərkəz Ozon, Yandex Market, Alibaba, Pinduoduo, Taobao, Wildberries, Avito, Satu kimi qlobal bazarlarla danışıqlar aparır və artıq Çinin Temu platforması ilə müqavilə imzalamağa hazırlaşır. Bu, son istehlakçılar üçün daha sürətli çatdırılmanı, satıcılar üçün xərclərin azaldılmasını və Qırğızıstan sahibkarları üçün imkanların artırılmasını təmin edəcək.

Aytac 
www.anews.az