Azərbaycanda hər 100 minə 240 məhbus düşür

Azərbaycanda hər yüz min əhaliyə düşən məhbus sayı 240-dır. Bunu Milli Məclisin İnsan hüquqları komitəsinin sədri Zahid Oruc martın 3-də Milli Məclisdə komitənin iclasında çıxışı zamanı deyib. 

"Burada cəzaçəkmə müəssisələrinin artırılması ilə bağlı təkliflər səsləndi. Hazırda cəzaçəkmə müəssisələrində 24 minə yaxın məhkum var. 10 milyon əhali fonununda hər 100 min nəfərə 240 məhkum düşür. Bu statstikaya görə dünyada 60-cı yerdə qərarlaşmışıq. Düşünürəm ki, cəzaçəkmə müəssisəsində sıxlıqla bağlı məhkəmə sistemi bu yöndə daha ciddi addımlar atmalıdır. Məhkəmələr alternativ cəzaları tətbiq etməkdə maraqlı olmalıdır. Alternativ cəzalar azadlığın məhdudlaşdırılması qərarlar çox azdır. Bəraət qərarları çox azdır", - deputat bildirib. 

Deputat qeyd edib ki, hazırda keçirilən əfv komissiyasının iclasları da çox şəffaf keçirilir və hər bir məhkumun işinə fərdi qaydada diqqət ayrılır. 

Gülnar Nazimqızı