Növbəti beş ildə Qarabağ Universitetində 7 min tələbə təhsil alacaq- Anar Quliyev

Yaxın 5 il ərzində Qarabağ Universitetində təhsil alan tələbələrin sayının 7 minə çatacağı gözlənilir. Bunu Dövlət Şəhərsalma və Arxitektura Komitəsinin sədri Anar Quliyev deyib

“Biz daha yaxşı dayanıqlı məkanlar yaratmaq istəyirik. Bu Azərbaycan planının  ana xəttidir. Şəhərsalma  işləri həmçinin işğaldan azad olunan ərazilərdə  bərpa işləri aparacaq. Azərbaycan höküməti bunun üçün vəsait ayırıb. Yollar, habelə şəhərlər innovasiya rifah, mədəniyyət sahələrində yenidən qurma işləri aparılacaq. Artıq iki hava limanı var, üçüncü hava limanı bu yaxınlarda fəaliyyətə başlayacaq.  Son üç ildə 3 minə yaxın məcburi köçkün ailəsi işğaldan  azad  olunan rayonlara qaytarılıb. Hazırda 30 minə yaxın şəxs işğaldan azad olunan ərazilərə köçürülüb. Yeni Qarabağ universiteti tikilib. Altı minə yaxın tələbə təhsil alır.  Növbəti  5 il  ərzində 7 min tələbənin Qarabağ unibersitetində təhsil  alması  gözlənilir. Şəhərin ana planında yeni yataqxanaların tikilməsi var. Bundan başqa  hazırda 150 km-lik dəmiryolu inşa olunur”,-  komitə sədri martın 14- də Bakıda keçirilən XII Qlobal Bakı Forumunda söyləyib.

Aytac Zeynalova