Polşa sərhədlərini minalaya bilər

Polşanın şərq sərhədində, yəni Belarusla sərhəddə piyada əleyhinə minalar yerləşdirə bilər. Bu barədə Polşanın RMF 24 radiostansiyası məlumat yayıb.

Varşava həmçinin Şərq Qalxanı layihəsi çərçivəsində “vətəndaşlarının təhlükəsizliyini təmin etmək üçün” şərq sərhədində digər istehkamlar tikməyi planlaşdırır. Polşa şimalda Rusiya ilə həmsərhəddir.

Martın 18-də Polşa, Estoniya, Latviya və Litvanın müdafiə nazirlikləri bu ölkələrin hökumətlərinə piyada əleyhinə minaları qadağan edən Ottava Konvensiyasından çıxmağı təklif ediblər.

Litva Müdafiə Nazirliyi bu tövsiyəni “Rusiya ilə həmsərhəd olan ölkələrin öz vətəndaşlarının təhlükəsizliyini təmin etmək üçün bütün mümkün tədbirləri görməyə hazır olduğuna dair aydın siqnal” adlandırıb.

Qeyd olunur ki, Rusiya Ottava Konvensiyasının iştirakçısı deyil və böyük piyada əleyhinə mina ehtiyatına malikdir. Səudiyyə Ərəbistanı və İsrail də sazişi imzalamayıb. Üstəlik, Ukrayna bu konvensiyanı 2005-ci ildə ratifikasiya edib.

Eyni zamanda Estoniyanın müdafiə naziri Hanno Pevkur bildirib ki, Estoniyanın milli müdafiəsini təmin etmək üçün piyada əleyhinə minaların yerləşdirilməsinə ehtiyac yoxdur.

Aytac