Mehriban Rəhimli cinayət məsuliyyətinə cəlb olunub

Baş Prokurorluğun Ağır Cinayətlərə Dair İşlər Üzrə İstintaq İdarəsində "QHT işi" ilə bağlı başladılan istintaqa daha bir nəfər şəxs cəlb olunub. Bu barədə  gununsesi.info məlumat yayıb.

Belə ki, ABŞ-nin German Marşal Fondunun (GMF) Azərbaycan üzrə məsləhətçisi Mehriban Rəhimlinin saxlanıldığı deyilir.

Məlumatda bildirilir ki, cinayət məsuliyyətinə cəlb olunan Mehriban Rəhimli istintaq müddəti ərzində polis nəzarətinə verilib.

Bundan əvvəl bir sıra tanınmış şəxslər bu iş çərçivəsində cinayət məsuliyyətinə cəlb ediliblər və onlarla QHT rəhbəri istintaqa dəvət olunub.