Ağdama 25 min əhalinin köçürülməsi gələn ilin sonuna kimi baş tutacaq

Ağdama ilk köç 2025-ci ilin oktyabr-noyabr aylarında baş tutacaq. Bu barədə Ağdam, Füzuli və Xocavənd rayonlarında Azərbaycan Prezidentinin xüsusi nümayəndəsi Emin Hüseynov AzTV-yə müsahibəsində deyib.

"Gələn ilin sonuna kimi Ağdama 25 minə kimi əhalinin köçürülməsi planlaşdırılır. Bu dövrə qədər bütün lazımı tədbirlərin görülməsi nəzərdə tutulub", - Hüseynov bildirib. 

Bir müddət öncə Ağdamın Sarıcalı kəndinə əhalinin köçürülməsi təmin edilib. 

2025-ci ilin sonuna kimi Ağdam və üç kəndinə 10 minə yaxın əhalinin köçürülməsi planlaşdırılır. 

Ümumilikdə Ağdamda 11 kəndin təməli qoyulub.

Ağdam 2020-ci ilin noyabrında işğaldan azad edilib. İkinci Qarabağ Müharibəsində ən çox zərər çəkmiş rayondur. Müharibəyə qədər Ağdamda 143 min insan yaşayıb.

Gülnar