• $ 1.7
  • € 1.9014
  • ₽ 0.020971
  • ₺ 0.0437
  • £ 2.2609

Qabiliyyət imtahanlarına qeydiyyat başlayıb

Qabiliyyət imtahanlarına qeydiyyat başlayıb
20.05.2025 10:14

Qabiliyyət imtahanlarına qeydiyyat başlayıb.

Bu barədə Dövlət İmtahan Mərkəzindən məlumat verilib.

Bildirilib ki, 2025/2026-cı tədris ili üçün ali təhsil müəssisələrinin (V ixtisas qrupu) və tam (11 illik) orta təhsil bazasında orta ixtisas təhsili müəssisələrinin xüsusi qabiliyyət tələb edən ixtisasları (XQTİ) üzrə mayın 20-dən 30-dək aşağıdakı istiqamətlər aid komissiyalar üzrə abituriyentlərin (subbakalavrların) qeydiyyatı aparılacaq:

  • təsviri sənət;
  • musiqi sənəti;
  • idman;
  • teatr, kino və xoreoqrafiya sənəti.

Abituriyentlər (subbakalavrlar) müvafiq keçidə daxil olub qeydiyyatdan keçə bilərlər. Abituriyentlər ali və orta ixtisas təhsili müəssisələrinin xüsusi qabiliyyət tələb edən ixtisaslarının yalnız 1 istiqaməti üzrə ən çox 4 komissiyadan qeydiyyatdan keçə bilərlər. Tam orta təhsil bazasında orta ixtisas təhsili müəssisələrinin XQTİ-ləri üzrə qabiliyyət imtahanlarında iştirak etmək istəyən abituriyentlər isə 1 istiqamətə aid ən çox 6 komissiya üzrə qeydiyyatdan keçə bilərlər.

Ali təhsil müəssisələrinin xüsusi qabiliyyət tələb edən ixtisasları üzrə məlumatlar nəşr olunan qabiliyyət imtahanlarının istiqamətləri üzrə “Abituriyent” jurnalının xüsusi buraxılışları yaxın günlərdə nəşr olunacaq.

Qabiliyyət imtahanlarının iyun – avqust aylarında keçirilməsi nəzərdə tutulur. DİM-in internet səhifəsində abituriyentlərə (subbakalavrlara) “Qabiliyyət imtahanına buraxılış vərəqəsi”ni çap edə biləcəkləri tarixlər haqqında məlumat veriləcək. “Qabiliyyət imtahanına buraxılış vərəqəsi”ndə qabiliyyət imtahanlarının tarixi, keçiriləcəyi ünvan və vaxt göstəriləcəkdir.

Diqqət!

Qəbul (buraxılış) imtahanını Azərbaycan dilindən fərqli dildə verən abituriyentlər Azərbaycan dili (dövlət dili kimi) üzrə imtahanın nəticəsindən asılı olmayaraq qeydiyyatdan keçə bilərlər. Lakin bu imtahandan “qeyri-məqbul” alan abituriyentlərin nəzərinə çatdırırıq ki, onlar 29 iyun tarixində keçiriləcək Azərbaycan dili imtahanının ikinci cəhdində “məqbul” aldıqları təqdirdə müsabiqəyə buraxılırlar.

Aldıqları orta ixtisas təhsilinə uyğun olan qabiliyyət imtahanı komissiyaları üzrə qeydiyyatdan keçmək istəyən subbakalavrlar ilk növbədə mayın 28-dək DİM-in saytında “Subbakalavrın elektron ərizə”sini doldurub təsdiq etməlidirlər. Təhsil məlumatları tam olmayan XQTİ-lər üzrə qabiliyyət imtahanlarında iştirak etmək istəyən subbakalavrlar tələb olunan məlumatların qeyd olunan tarixdən gec olmayaraq orta ixtisas təhsili müəssisəsinin məsul şəxsləri tərəfindən sistemə yerləşdirilməsini diqqətdə saxlamalıdırlar. Daha sonra subbakalavrlar 30 may saat 23:59-dək müvafiq qabiliyyət komissiyası üzrə də qeydiyyatdan keçməlidirlər. Yəni onlar əvvəlcə “Subbakalavrın elektron ərizə”sini təsdiq edib sonra qabiliyyət imtahanı komissiyaları üzrə qeydiyyatdan keçə bilərlər.

Xüsusi qabiliyyət imtahanı ilə bağlı daha geniş məlumatla elanın tam mətnində tanış olmaq mümkündür.

Oxşar xəbərlər
Oxşar xəbərlər
Küləkli hava ilə bağlı sarı və narıncı xəbərdarlıq edilib
Cəmiyyət 14:36
Küləkli hava ilə bağlı sarı və narıncı xəbərdarlıq edilib
Aİ Suriyaya qarşı sanksiyaları ləğv etməyi planlaşdırır
Cəmiyyət 14:07
Aİ Suriyaya qarşı sanksiyaları ləğv etməyi planlaşdırır
Sumqayıtda partlayış baş verib,xəsarət alanlar var- Yenilənib
Cəmiyyət 13:48
Sumqayıtda partlayış baş verib,xəsarət alanlar var- Yenilənib
Elgün İbrahimovun ölümü ilə bağlı istintaq gedir– anası intihar versiyasını təkzib edir
Cəmiyyət 13:27
Elgün İbrahimovun ölümü ilə bağlı istintaq gedir– anası intihar versiyasını təkzib edir
Sabahın havası açıqlanıb
Cəmiyyət 12:47
Sabahın havası açıqlanıb
Dünən bank kartlarından oğurlanan vəsait açıqlanıb
Cəmiyyət 12:06
Dünən bank kartlarından oğurlanan vəsait açıqlanıb
Ermənistana casusluqda ittiham olunan İqbal Əbilova hökm oxunub
Cəmiyyət 12:04
Ermənistana casusluqda ittiham olunan İqbal Əbilova hökm oxunub
Bakıda iki məktəb direktoru nöqsanlara görə işdən çıxarılıb
Cəmiyyət 10:48
Bakıda iki məktəb direktoru nöqsanlara görə işdən çıxarılıb
Əlibıçaqlı qadın avtobusda təşviş yaradıb- VİDEO
Cəmiyyət 10:31
Əlibıçaqlı qadın avtobusda təşviş yaradıb- VİDEO
Anews TV

Rəsmi Youtube kanalımız

Abunə ol