21 yaşlı oğlan qeyri nigahda olduğu 16 yaşlı qızı öldürüb Kürə atıb

Sabirababdın Güdəcühür kəndində 21 yaşlı Talıbzadə Seyidrəsul Mirmöhsün oğlu qeyri nigahda olduğu 16 yaşlı N.Ə.-ni qətlə yetirib. Bu barədə Apa məlumat yayıb. 

"Güdəcühür kənd sakini, 2004-cü il təvəllüdlü Talıbzadə Seyidrəsul Mirmöhsün oğlu aralarında yaranmış münaqişə zəminində, qeyri-rəsmi nikahda olduğu, Şirvan şəhər sakini, 2009-cu il təvəllüdlü N.Ə.-ni qətlə yetirib. O, daha sonra meyiti kəndin ərazisində Kür çayına atıb", - məlumatda deyilir. 

Seyidrəsul Talıbzadə polis əməkdaşları tərəfindən saxlanılıb.

Meyit çaydan çıxarılaraq aidiyyəti üzrə təhvil verilib.

Faktla bağlı araşdırma gedir.