Yeni qanun Naxçıvan üçün müsbət dəyişiliklər gətirəcək

Qəbul olunan “Naxçıvan Muxtar Respublikasının Konstitusiyasında dəyişikliklərin təsdiq  edilməsi haqqında” Azərbaycan Respublikası Konstitusiya qanununun layihəsi” Naxçıvanda bir sıra müsbət dəyişikləri gətirəcək. Bunu Milli Məclisin deputatı Siyavuş Novruzov deyib. 

“Yeni iş yerərinin açılması qlobal layihələrin həyata keçirilməsində problemlər var idi ki yeni qanundan sonra bu problemlər aradan qalxacaq. Prezidentin Naxçıvanla bağlı sosial iqtisadi layihəsi var. Xeyli miqdarda vəsait ayrılıb. Hesab edirəm ki, bu qanun Naxçıvanın inkişafına təkan verəcək”, - deputat bildirib. 

Deputat Səttar Möhbaliyev də bildirib ki, bu vaxtında edilən dəyişiklikdir. 

“Naxçıvanda işsizlik problem var. Bu dəyişiklərdən sonra emal zavodları tikilib istifadəyə veriləcək. Naxçıvanda səlahiyyətli nümayəndə var. Qadınların seçilməsində müəyyən problemlər yaranırdı. Naxçıvanın gələcəkdə inkişafı bu dəyişiklilərlə üst üstə düşür. Bu vaxtında edilən dəyişilikdir. Naxçıvan Muxtariyyət Respublikası əbədi qalmalıdır”, - Möhbaliyev bildirib. 
 

Gülnar Nazimqızı