Xarici vətəndaşların İrandan Azərbaycana təxliyəsi davam edir

İran-İsrail arasında davam edən münaqişə səbəbilə İranda olan xarici ölkə vətəndaşlarının “Astara” dövlət sərhəd buraxılış məntəqəsində təxliyə prosesi davam etdirilir.

Bu gün təxliyə olunanlar arasında Cənubi Afrika, Çin, Türkiyə, İran, ABŞ, Portuqaliya, Belçika və digər ölkələrin vətəndaşları var.

Onların ölkə ərazisində təhlükəsiz hərəkətini təmin etmək məqsədilə xüsusi nəqliyyat vasitələri ayrılıb və təxliyə edilən qrup Bakı istiqamətində yola salınıb.