Bakıda dövlət əleyhinə çağırışlarda ittiham olunan blogerin işi üzrə məhkəmə başlayıb

Xaricdə yaşayan bloger İmaməddin Əlimanovun Azərbaycan dövlətinə qarşı təkrar açıq çağırışlarda ittiham olunduğu cinayət işi üzrə Bakı Ağır Cinayətlər Məhkəməsində hazırlıq iclası keçirilib.

Hakim Hüseyn Hüseynlinin sədrliyi ilə keçirilən iclasda məlum olub ki, Əlimanova Baş Prokurorluq tərəfindən rəsmi bildiriş göndərilsə də, o, ölkəyə gəlməkdən imtina edib.

Məhkəmə prosesi qapalı rejimdə aparılacaq. Növbəti iclas 18 iyula təyin edilib.

İmaməddin Əlimanova qarşı CM-nin 281.2-ci maddəsi (dövlətə qarşı təkrar açıq çağırışlar) ilə ittiham irəli sürülüb.

O, istintaqdan yayındığına görə, 2021-ci il mayın 27-də Binəqədi Rayon Məhkəməsinin qərarı ilə axtarışa verilib və barəsində həbs qətimkan tədbiri seçilib.

N.Təbrizli