SOCAR Azərbaycan qazının Avstriya və Almaniyaya tədarükünə başlayıb

Azərbaycanın dövlət neft şirkəti SOCAR Cənub Qaz Dəhlizinin Avropa seqmenti olan Trans Adriatic Pipeline (TAP) vasitəsilə nəql edilən qazın Cənubi və Mərkəzi Avropa bazarlarında satışına başlayıb.

Şirkətin məlumatına görə, 2026-cı ilin yanvar ayından etibarən Azərbaycan qazı digər ölkələrlə yanaşı Avstriya və Almaniya bazarlarına da tədarük olunur.

Qaz tədarükü İtaliya üzərindən həyata keçirilir ki, bu da Azərbaycan qazının Avropadakı coğrafi əhatəsini daha da genişləndirir. Beləliklə, Azərbaycan qazını alan ölkələrin sayı 16-ya çatıb.
SOCAR bildirib ki, bu addımlar Azərbaycan Respublikasının Prezidenti İlham Əliyev tərəfindən formalaşdırılmış qaz strategiyasına uyğun olaraq Avropa və Yaxın Şərq regionlarında qaz marketinqinin genişləndirilməsi və Azərbaycanın etibarlı enerji təchizatçısı kimi mövqeyinin möhkəmləndirilməsi məqsədi daşıyır.

Gülnar