Uşaq üçün sifariş edilən yeməkdən ‘qığırdaq’ çıxdı – Restoran açıqlama vermir

 Bakının “Gənclik Mall” ticarət mərkəzində yerləşən “Mado” restoranında uşaqlar üçün sifariş edilən yeməyin içindən qığırdaqabənzər hissəcik çıxdığı iddia olunur. Bu barədə Qafqazinfo valideynin şikayətinə əsasən yazıb.

Valideynin sözlərinə görə, azyaşlı övladı yeməyin yarıdan çoxunu yedikdən sonra xoşagəlməz maddəyə rast gəlib.

Hadisə ilə bağlı restoranın mövqeyi öyrənilməyə çalışılsa da, “Mado” yalnız yazılı müraciətə cavab veriləcəyini bildirib.

Sorğuya hələ cavab verilməyib.

Azərbaycan Qida Təhlükəsizliyi Agentliyi məsələ ilə bağlı “Qafqazinfo”ya bildirib ki, hadisə nəzarətə götürülüb və araşdırma aparılır.

Qurum vətəndaşlara oxşar hallarla qarşılaşdıqda 1003 qaynar xəttinə və ya “e-qidam” mobil tətbiqinə müraciət etməyi tövsiyə edib.