Bakıda kişi arvadını güllələməyə cəhd edib, qadın xəstəxanaya yerləşdirilib

Bakının Yasamal rayonunda kişi həyat yoldaşını odlu silahla güllələməyə cəhd edib. Bu barədə Baş Prokurorluğun mətbuat xidməti məlumat yayıb. 

İyulun 16-da saat 13 radələrində 1987-ci il təvəllüdlü Fərqanə Kərimovanın güllə yarası ilə xəstəxanaya yerləşdirilməsi barədə Yasamal rayon prokurorluğuna məlumat daxil olub.

Araşdırma zamanı 1986-cı il təvəllüdlü Vasif Kərimovun ailə münaqişəsi zəminində arvadı Fərqanə Kərimovaya qarşı odlu silah tətbiq etməklə onu qəsdən öldürməyə cəhd etdiyi şübhəsi müəyyən edilib.

Zərərçəkmiş xəstəxanaya yerləşdirilib və hazırda müalicəsi davam etdirilir.

Faktla bağlı Yasamal rayon prokurorluğunda Azərbaycan Respublikası Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanıb. Vasif Kərimov şübhəli şəxs qismində saxlanılıb.

Cinayət işi üzrə istintaq tədbirləri davam etdirilir.