Qapını açmayan vətəndaşa 930 manat su borcu yazılıb

Azərbaycan Dövlət Su Ehtiyatları Agentliyi son üç ay ərzində qapını açmadığı üçün bir vətəndaşa 930 manat məbləğində su borcu hesablayıb. Bu barədə şikayətçi anews.az-a məlumat verib.

Vətəndaşın sözlərinə görə, sonuncu ödənişi mayda edib və aylıq orta su borcu 20-30 manat civarında olub. Lakin Agentliyin qaynar xətti ilə əlaqə saxladıqda bildirilib ki, sayğaca baxış mümkün olmadığından ortalama hesabla borc yazılıb.

“Bina evində yaşayıram. Heç bir sayğaca baxılmadan bu qədər borc necə müəyyən olunub, anlamıram”, –  şikayətçi bildirib.

Azərbaycan Dövlət Su Ehtiyatları Agentliyi məsələ ilə bağlı araşdırma apardıqdan sonra açıqlama verəcəyini bildirib. 

Gülnar Nazimqızı