Süni intellekt mövcud peşələrin 30 faizini sıradan çıxara bilər

Süni intellektin sürətli inkişafı yaxın illərdə mövcud peşələrin 30 faizini sıradan çıxara bilər. Bunu İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı "PeşəFest"in yekun tədbirində deyib.

2024-cü ildə Azərbaycanda 26 min nəfər peşə təhsilinə qəbul olub, 15 min nəfər isə təhsilini başa vurub, deyə İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı bildirib.

Onun sözlərinə görə, yeni nəsil gənclər peşə təhsilinə daha çox önəm verməlidir, çünki əmək bazarının əsas çağırışlarından biri iş yerində öyrənmə bacarıqlarının inkişafıdır.

“İşəgötürənlər peşə təhsili sisteminə daha yaxın olmalıdır, bu sahə dövlət–özəl tərəfdaşlığı üçün açıq olmalıdır,” – Qasımlı qeyd edib.

O əlavə edib ki, inkişaf etmiş ölkələrdə orta təhsilin təxminən 44 faizini peşə təhsili təşkil edir.

 Qasımlının sözlərinə görə, süni intellektin sürətli inkişafı yaxın illərdə mövcud peşələrin 30 faizini sıradan çıxara bilər.

Gülnar Nazimqızı