Nazirlik akademik Yusif Məmmədəliyevin 120 illiyini silsilə tədbirlərlə qeyd edir

Elm və Təhsil Nazirliyi akademik Yusif Məmmədəliyevin 120 illiyi münasibətilə ölkədə elm və təhsilin populyarlaşdırılması istiqamətində silsilə tədbirlər təşkil edir. Nazir Emin Əmrullayev bildirib ki, bu çərçivədə konfranslar, simpoziumlar və seminarlar keçirilir, ali məktəb tələbələrinə elmi tədqiqat tapşırıqları verilir.

Bir gün əvvəl sabiq deputat və UNEC-in Elmin Populyarlaşdırılması Mərkəzinin rəhbəri Etibar Əliyev isə dəyirmi masada çıxış edərək ölkədə elmin ictimaiyyətə çatdırılması sahəsinin hazırda “ürəkaçan” olmadığını qeyd edib. O, elmi esselərin yazılması və xüsusi veb-platformaların yaradılmasını, universitet kitabxanalarında elmin təşviqi üçün xüsusi bölmələrin qurulmasını təklif edib.

Azərbaycanın elm və təhsil sektorunda populyarlaşdırma təşəbbüsləri 2020-ci ildən etibarən artır. UNEC və digər ali təhsil müəssisələri ölkə daxilində elmi simpoziumlar və təcrübə proqramları həyata keçirir. 

Gülnar Nazimqızı