Müharibə veteranlarının əmək məzuniyyəti minimum 21 gündən 46 günə qaldırılır

Əmək qanunvericiliyində edilən dəyişikliklərlə Qarabağ döyüşlərində iştirak etmiş və müharibə veteranı statusu olan işçilərin minimum əmək məzuniyyəti 46 təqvim günü müəyyən edilib. Bunu əmək və əhalinin sosial müdafiəsi nazirinin müavini Rəşad Mustafayev  Milli Məclisin Əmək və sosial siyasət komitəsinin bu gün keçirilən iclasında Əmək Məcəlləsində dəyişikliyin müzakirəsi zamanı deyib. 

Nazir müavini bildirib ki, əvvəlki normaya görə bu hüquq yalnız Milli və Sovet İttifaqı Qəhrəmanları, Vətən Müharibəsi Qəhrəmanları və digər dövlət təltifləri ilə əhatə olunmuş şəxslərə şamil olunurdu.

Yeni redaksiya məzuniyyət hüququnu daha geniş sosial müdafiə qruplarına şamil edir. Bu dəyişiklik dövlətin vətənə xidmət etmiş bütün kateqoriyalara sistemli, ədalətli və inklüziv sosial dəstək yanaşmasını göstərir və onların rifahının təminatına yönəlmiş mühüm addımdır.

Gülnar Nazimqızı