DTX xaricdən yönləndirilən silahlı qruplaşma üzvlərini saxlayıb - Video

Xarici xüsusi xidmət orqanlarının tapşırıqları ilə ağır cinayətlər törətdiyi iddia olunan üç Azərbaycan vətəndaşı saxlanılıb. Bu barədə Dövlət Təhlükəsizlik Xidməti məlumat yayıb. 

Onlar ölkə hüdudlarından kənarda qanunsuz silahlı birləşmələrin tərkibində fəaliyyət göstərməkdə və terror xarakterli tapşırıqları yerinə yetirməkdə şübhəli bilinir.

Araşdırmalar nəticəsində xarici strukturlar tərəfindən kəşfiyyat-pozuculuq və terror məqsədləri üçün cəlb edilən və özlərini “kriminal aləm” nümayəndəsi hesab edən şəxslər müəyyən edilib.

1995-ci il təvəllüdlü Amid Məmmədov xarici ölkə ərazisində gizləndiyi yerdə saxlanılaraq Azərbaycana gətirilib və istintaqa cəlb olunub. Eyni iş üzrə 1997-ci il təvəllüdlü Nurlan Səfərov və 1983-cü il təvəllüdlü Edik İsrafilov da həbs edilib.

Onlara Azərbaycan Cinayət Məcəlləsinin 12.1 və 279.1-ci maddələri (ölkə hüdudlarından kənarda qanunsuz silahlı birləşmələrdə iştirak) üzrə ittiham irəli sürülüb və məhkəmə tərəfindən həbs qətimkan tədbiri seçilib.

Dövlət Təhlükəsizlik Xidmətindən bildirib ki, iş üzrə araşdırmalar davam edir və əlavə məlumat ictimaiyyətə təqdim olunacaq.