Bakı metrosunda qatar yoluna düşən sərnişin ölüb - Yenilənib

Metronun "Nərimanov" stansiyasında qatar yoluna düşən sərnişin ölüb.Bu barədə "Bakı Metropoliteni" QSC-dən məlumat verilib.

"50-55 yaşlarında kişi sərnişin qatar platformaya daxil olan zaman relsin üzərinə düşüb.Qatar maşinisti dərhal əyləci sıxıb, sərnişinin stansiya yolundan çıxarılması üçün əməliyyat planı həyata keçirilib.Təəssüf hissi ilə bildiririk ki, sərnişinin həyatını xilas etmək mümkün olmayıb. Allah rəhmət eləsin!", - məlumatda bildirilib.

Hadisə ilə bağlı hüquq-mühafizə orqanları araşdırma aparır.

***

Bu gün saat 20:00 radələrində “Nərimanov” stansiyasında sərnişin stansiya yoluna düşüb.Bu barədə “Bakı Metropoliteni” QSC məlumat yayıb.

Bildirilib ki, dərhal təmas relsindən yüksək gərginlik çıxarılıb və təcili tibbi yardım xidməti əraziyə çağırılıb.

Yüksək gərginlik bərpa edildikdən sonra qatar sərnişinsiz yola salınıb və “Nərimanov” stansiyasından elektrik deposuna göndərilib.

Hadisə ilə bağlı intervaldan əlavə yubanmalar yaranıb.

Məlumat yenilənəcək.